Në Kukës duket se është rikthyer atmosfera pozitive pas rezultateve pozitive të arritura javët e fundit në kampionat. Mësohet se, para ndeshjes që Kukësi zhvilloi në Vlorë ndaj Flamurtarit, lojtarët e ekipit verilindor kanë marrë një pretim nga presidenti i klubit, Safet Gjici.
"Numri 1" i klubit verilindor iu ka premtuar të tijve se do shpërblehen me premio të majme nëse korrin sukses në Vlorë dhe ashtu ndodhi.
Kukësi mundi të marrë tre pikë të arta në transfertën që zhvilloi pak ditë më parë në Vlorë, ku kampionët fituan me rezultatin 2-1 pa shumë vështirësi. Ajo që pritetë të ndodhë është mbajtja e fjalës nga ana e presidentit dhe shpërndarja e premios, që ende nuk dihet se sa do të jetë, por që pretendohet të jetë diçka më shumë se herët e tjera. Kjo gjë pritet të ndodhë para datës 4 prill, ditë në të cilën Kukësi do pëballet me Laçin për ndeshjen e vlefshme për gjysmëfinalen e Kupës së Shqipërisë.
Lexo gjithashtu
