Sot, Kukësi do presë në "Zeqir Ymeri" Skënderbeun në orën 14:00, për të luajtur takimin e javës së 22-të të kampionatit. Kur pritet që përballja mes dy ekipeve të jetë e fortë, problem mbeten mungesat në të dyja kampet.
Në Kukës e sigurt është mungesa e Albi Allës, ndërsa Ylli Shameti ende është në dyshim. Në kampin korçar gjendja paraqitet pak më e rëndë. Mungesë e sigurt do të jetë ajo e portierit Orges Shehi i cili dje ka pësuar një dëmtim dhe nuk pritet të rrezikohet sot.
Nga minuta e parë do të jetë Aldo Teqja. Bajram Jashanica dhe Afrim Taku do mungojnë sërish për një kohë të gjatë. Sabjen Lilaj vazhdon të jetë i bllokuar nga viroza gripale. Marko Radas ka plotësuar numrin e kartonave. Në dilemë është dhe Tefik Osmani, për të cilin do vendoset pak para se skuadrat të zbresin në fushën e blertë.
Lexo gjithashtu
