Kategoria e Parë do të ngrejë siparin e javës së 13-të ditën e sotme. Do të zhvillohen katër sfida mjaft interesante, të cilat do të startojnë në orën 13:30.
Supersfida e kësaj javë është ajo mes Bylisit dhe Flamurtarit. Ballshiotët do të kërkojnë fitoren që të “blindojnë” vendin e parë, ndërsa vlonjatët janë në kërkim të 3 pikëshit për t’i ushtruar presion kryesuesëve. Luzi, i cili ndodhet në vendin e fundit të tabelës me vetëm 5 pikë, do të presë në shtëpi Tomorin e vendit të parafundit. Një ndeshje ku do të luhen fatet e mbijetesës dhe qëllimit për tu larguar nga zona e ftohtë.
Në krahun tjetër Kastrioti dhe Burreli do të luftojnë për 3 pikët në stadiumin “Redi Maloku”, për tu afruar sa më shumë me gjashtëshen e parë.
Ndeshja tjetër është ajo mes Apolonisë dhe Korabit. Fierakët ndodhen vetëm 5 pikë larg vendit të parë dhe fitorja do tu hynte shumë në punë. Ndërsa dibranët që ndodhen në vendin e gjashte me 15 pikë, do të kërkojnë 3 pikëshin për t’u afruar sa më shumë me vendet e para.
NDESHJET E JAVËS SË 13-TË TË KATEGORISË SË PARË:
BYLIS – FLAMURTARI
LUZI – TOMORI
KASTRIOTI – BURRELI
APOLONIA - KORABI
Lexo gjithashtu
