Sulmuesi rumun Bogdan Stancu tha se kërkon të mposhtë Shqipërinë me shumë zgjuarsi për të pasur shancin për të qenë të dytët në grupin A. Ka ende shpresa për rumunët për të zënë vendin e dytë në grup, ndërsa një barazim mund të përfundojë edhe shpresat e tyre. Për median rumune Stancu thotë se e dinë shumë mirë që Shqipëria do të luftojë fort për të pasur një shanc për të qëndruar, pas humbjeve që patën me Zvicrën dhe Francën.
“Ne e dimë sa të mirë janë shqiptarët, sa të përkushtuar janë ata dhe qasja e tyre fizike është e mirë. Nga kjo pikëpamje, duhet të bëjmë një lojë të zgjuar dhe të ndërlikuar kundër tyre, sepse përndryshe, kualifikimi ynë do të bëhet problematik” tha Stancu.
Ndeshja ndërmjet skuadrave do të luhet nesër dhe është ndeshja e ‘’jetës’’ për të dyja skuadrat.
Lexo gjithashtu
