Një episod jashtë kufijve të normales ndodhi ditën e djeshme në ndeshjen mes Egnatias dhe Teutës. Përballja përfundoi në “paqe” 1-1 por në minutën e 69’, një episod i pakëndshëm ndërpreu ndeshjen për 14 minuta.
Tifozët rrogozhinas, të pakënaqur me lojën e zhvilluar hodhën sende të forta në drejtim të pankinës së Teutës duke goditur edhe gjyqtarin e katërt. Komisioni i Disiplinës dhe Etikës në FSHF do të ketë në vëmendje këtë rast dhe sipas kodit, rrezikohet një dënim i rëndë.
NENI 65
- Gjatë veprimtarive futbollistike të organizuara nga FSHF… ndalohen sjelljet e mëposhtme:
- Mbajtja dhe përdorimi i fishekzjarrëve, flakadanëve, lëndëve piroteknike dhe sendeve të tjera të forta, të rrezikshme për jetën dhe shëndetin e pjesëmarrësve, si dhe armëve të të gjitha llojeve;
- sulmi fizik ndaj çdo pjesëmarrësi në ngjarjen sportive, qofshin pjesëmarrës të drejtpërdrejtë të veprimtarive sportive apo shikues, ose përleshja fizike mes pjesëmarrësve dhe tifozëve;
- hedhja e sendeve në terrenin sportiv të lojës ose në tribunat e tifozëve;
- veprimet me të cilat pengohet hyrja apo dalja e pjesëmarrësve në mjedisin sportiv, pengimi i zhvillimit të veprimtarisë sportive apo shkaktimi i pasigurisë në mjedisin sportiv për pjesëmarrësit apo personat e tjerë;
- Në rastin e verifikimit të shkeljeve të mësipërme, ndaj personave juridikë, shoqatave dhe/ose klubeve ku konsiderohen si mbështetës spektatorët kundërvajtës, do të jepen dënimet si më poshtë:
- rastet e verifikimit të sjelljeve të përshkruara në paragrafin 3, që shkaktojnë akte të dhunës ndaj zyrtarëve të ndeshjes dhe ndërprerje të përkohshme të lojës, sanksionohen zhvillimit të jo më pak se 6 (gjashtë) ndeshje pa spektatorë.
Nëse ky dënim hyn në fuqi, Egnatia rrezikon të luajë pa tifozë deri në fillim të muajit maj.
Poll
Lexo gjithashtu
