Mund të quhet pa frikë si një skandal ajo çfarë ka ndodhur me Flamurtarin. 24 orë udhëtim drejt Sllovenisë nuk është diçka që nuk ka ndodhur më parë me ndonjë skuadër shqiptare, por skandaloze këtë histori e bën një tjetër fakt. “Atlas Jet” është sponsori kryesor i Flamurtarit që administrohet nga Sinan Idrizi. Kompania ajrore turke nuk i ka krijuar mundësi vlonjatëve të udhëtojnë drejt Lubijanës por i ka lënë lojtarët dhe stafin të transportohen me traget nga Durrësi në Bari e më pas të marrin autobuzin për të përshkruar një numër të madh kilometrash. 1155 kilometra është distanca nga porti i Barit deri në Dravograd, qyteti ku janë grumbulluar vlonjatët. Në total mësohet të jenë dashur afro 24 orë udhëtim nga Vlora drejt Sllovenisë. Një çmenduri që është përjetuar në vajtje, ndërkohë që skuadra që ka sponsor një kompani ajrore duhet ta bëj diçka të tillë edhe në rrugën e kthimit.
Rruga që kanë bërë me autobus lojtarët e Flamurtarit
Lexo gjithashtu
