“Abissnet Superiore” do të luajë ditën e sotme vetëm 1 ndeshje që është e vlefshme për javën e 4-të të kampionatit. Erzeni dhe Dinamo do të përplasen në orën 16:00 në “Egnatia Arena”.
Por jo vetëm kaq, pasi Kategoria e Parë vjen me 4 sfida mjaft interesante dhe të luftuara. 8 skuadra do të zbresin në fushën e lojës për të kërkuar 3 pikët, sfida këto të vlefshme për javën e 3-të të Kategorisë së Par dhe që do të startojnë në orën 16:00.
Apolonia kryesuese do të presë Besën. Fierakët kanë grumbulluar 6 pikë në dy javët e para të kampionatit dhe janë lider në klasifikim, ndërsa mbajnë vendin e 6-të me 3 pikë. Një tjetër ndeshje e rëndësishme luhet në Ballsh. Bylisi pret Tomorin, me ballshiotët që ndodhen me pikë të plota në krye të klasifikimit, ndërsa beratasit në 2 ndeshje kanë grumbulluar 4 pikë.
Kastrioti dhe Flamurtari gjithashtu do të përplasen “kokë më kokë” për 3 pikët e kësaj jave. Krutanët kanë marrë vetëm dy barazime dhe vlonjatët kanë vetëm 1 pikë. Të dyja ekipet do të luftojnë për fitoren e parë në kampionat dhe pritet të jetë një ndeshje me intensitet të lartë.
Takimi i fundit për ditën e sotme do të jetë Luzi – Korabi, të dyja ekipet nuk e njohin ende shijen e fitores dhe do të synojnë që sot të bëjnë kthesën në kampionat.
[caption id="attachment_706547" align="alignnone" width="679"]
Ndeshjet e Kategorise se Pare[/caption]
Lexo gjithashtu
