Është lindur në kryeqytet me pasionin për sportin, por dhe me ëndrrën e madhe që një ditë t'i shërbente vendit të tij si efektiv i policisë së shtetit. E vështirë për t'i bërë të dyja, por aspak e pamundur. Ditë pas dite, mund i jashtëzakonshëm për të arritur objektivin personal. Bëhet fjalë për Ylber Dybelin, efektivin e policisë së shtetit që mori pjesë së fundmi në kampionatin e Bodybuilding që u zhvillua në kryeqytet. Sfidat dhe sprovat janë bërë për të, gjithmonë me fundin e njëjtë, për t'i kaluar me sukses ato.
Që i vogël kishte ëndërruar që një ditë të vishte uniformën e policisë. Ishte rritur me modelin se "xhaxhi polici" vendos dhe ruan rendin. Donte të ishte kontribues në shoqërinë shqiptare të mijëra halleve. Me shumë sforco, gjithmonë duke mos u dorëzuar ia arriti. Mori kualifikimet e nevojshme dhe nisi Akademinë për t'u formuar si efektiv i ardhshëm. Gjithçka shkoi me sukses për të. Asnjëherë, në asnjë moment nuk e la pas dore fizikun e tij. Ndoshta ishte lodhur duke dëgjuar: "Çfarë more, polic? Po ata janë barkderra"... Dybeli është shembulli për këdo që dëshiron të kalojë "Ylberin" për të arritur përfeksionin.
Prej shumë vitesh ushtrohet rregullisht në palestër. Edhe pse profesioni i tij s'ka qenë i favorshëm për të ndjekur në mënyrë strikte regjimet, ai ia ka dalë. Ia ka arritur sepse është i bindur në aftësitë, i di mjaft mirë se ku janë limitet. Por, është gati t'i thyejë ato ditë pas dite. Ashtu sikurse ka nisur të ngjitë shkallët në karrierën profesionale, pasi tashmë është pjesë e forcave speciale, një ditë do të jetë në poltron me trofeun e kampionit.
Për Ylberin ky ishte viti i parë që ngjitej në një skenë për të konkuruar si "fitness fisique". Homologët e tij u gëzuan sepse ndoshta arritën të merrnin një vend të rëndësishëm, por askush s'e ka ndjerë lumturinë ashtu si Ylberi që s'kënaqet për kupat e kauçukut. Theu çdo "ligj", arriti në një kohë të shkurtër të ngjitej në skenë. Në njërën pjesë të ditës i shërbente shoqërisë shqiptare duke ndihmuar këdo që kishte nevojë për përkrahjen e policisë, nga ana tjetër i shërbente fizikut të tij që sot është për t'u admiruar.
"E rëndësishme është pjesëmarrja", ndoshta kjo shprehje vlen për të gjithë ata që nuk ia dalin. Por, për Ylberin diçka e tillë ka kuptim tjetër. Nuk vlen dhe për një arsye të thjeshtë: Kjo përvojë e ka motivuar më shumë për të ecur përpara. Nuk cakton data, nuk vendos objektiva. Mjaftohet gjithmonë duke thënë "Kismet". Tashmë detyra e tij është të arrijë majat nga ana profesionale sepse të tillë njerëz me vullnet të hekurt i duhen policisë së shtetit. Vendosmëria që e karakterizon, një ditë do ta çojë shumë larg. Në skenë do ta ngjisë në podium, jashtë saj do të jetë gjithmonë ai djaloshi me muskuj, gjithmonë në shërbim të komunitetit.
Sa e bukur të ndërthurësh pasionin me profesionin, ju prezantojmë Ylber Dybelin, efektivin 28-vjeçar të policisë së shtetit. / Retin TOKA/
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
