Partizani do të luajë sot kundër Bate Borisov në transfertë, ndeshje e vlefshme për turin e parë të Champions League. Teksa takimi i parë ka përfunduar me shifrat 1-1, kampionët e Shqipërisë priten të japin maksimumin për të arritur te kualifikimi.
Në përballjen e parë, skuadra e drejtuar nga Zekiç tregoi cilësi. Sot, shanset janë maksimale që kryeqytetasit të shkojnë më tutje. Për këtë Newsport.al ka analizuar dhe radhitur shkurtimisht 10 arsye se pse Partizani fiton dhe kualifikohet në turin e dytë të Champions League.
10 ARSYET PSE PARTIZANI KUALIFIKOHET NË TURIN E DYTË:
- Presioni është në anën e bjellorusëve, të cilët janë pritës, por nuk luajnë në shtëpi për shkak të luftës në Ukrainë.
- Ndeshja në Hungari luhet pa tifozë pasi Bate Borisov është e dënuar.
- Presidenti Gaz Demi është pranë skuadrës dhe gati të hapë “thesin” në rast kualifikimi.
- Organika e Partizanit është cilësore me individë që mund të zgjidhin ndeshjen.
- Në krye të skuadrës është Zoran Zekiç, një trajner që ka eksperiencë në Kupat e Europës.
- Në ndeshjen e parë, të kuqtë treguan superioritet në “Air Albania”.
- Trajneri Zekiç ka në stol futbollistë cilësorë që mund të futen për të zgjidhur ndeshjen.
- Të fitosh në Hungari nuk është risi për Partizanin. Historinë mund t’ua tregojë Alban Hoxha, autori i golit me panenka kundër Ferencvarosh. Pra, motivim i dyfishtë për të fituar.
- Kualifikimi në turin e dytë të Champions League, mund t’i çojë automatikisht në turin e tretë të Europa League, nëse mposhtet në raundin e dytë.
- Partizani fiton për të treguar se janë kampionët e Shqipërisë.
Lexo gjithashtu
