“Sot të gjitha rrugët të çojnë në Air Albania”, VORA kërkon mbështetjen e tifozëve: Të gjithë bashkë ia dalim
Shkruar nga NEWSPORT
Në orën 18:00 në “Air Albania” do të luhet edhe finalja e titullit kampion mes Vorës dhe Elbasanit. Një sfidë që pritet me mjaft interes për të mësuar edhe skuadrën kampione të Kategorisë së Dytë. Të dyja skuadrat pasi kanë dominuar ndaj çdo kundërshtari në grupet A dhe B, tashmë synojnë ta mbyllin siç duhet këtë sezon.
Nëpërmjet një postimi në rrjetet sociale, Vora ka kërkuar edhe mbështetjen e tifozëve në këtë sfidë mjaft të rëndësishme për ta.
“MOS MUNGONI, EJA DHE TI ‼Sot të gjithë rrugët të çojnë drejt Stadiumit Air Albania, aty ku përballemi ndaj skuadrës së Elbasanit, ndaj ftojmë të gjithë Tifozët e Vorës ti japim përkrahje dhe motiv shtesë djemve për ta sjell kupën në Vorë. Së bashku do t'ja dalim!”, thuhet në postim.