Sebastian Fetel do të niset i dyti në Çmimin e Madh të Kinës që do të zhvillohet nesër, pikërisht pas Luis Hemilton, i cili ishte protagonist i një xhiroje shpejtësie të mahnitshme.
Mercedes i pari dhe Ferrari pas tij. Nga vendi i tretë do të startojë piloti tjetër i Mercedesit, Valteri Botas.
Ky është verdikti final i Provave Gjenerale për Çmimin e Madh të Kinës në Formula 1.
Luis Hemilton regjistroi kohën 1:31.678 me një distancë vetëm +0.186 nga Ferrari i Fetel.
Nga vendi i 4-t do të niset Kimi Raikkonen, i cili i mbylli provat e sotme gati gjysmë sekondi më shumë se Hemilton. I pesti do të jetë Riçiardo e më pas vijnë në radhë Felipe Masa, Niko Hulkenberg, Sergio Perez, Danil Kviat dhe Lance Stroll. Fernando Alonso u eliminua në sesionin e dytë të provave dhe nesër do të niset nga vendi i 13-të/ NEWSPORT.AL
Lexo gjithashtu
