Tirana do të udhëtojë në Korçë për të sfiduar Skënderbeun dhe për të bërë mes tyre edhe llogaritë e javës së 12-të të Superiores. Një sfidë që starton në orën 17:00 dhe do të jetë mjaft interesante dhe e luftuar, pasi bardheblutë tentojnë vazhdimësinë, ndërsa korçarët duan rikthimin te fitorja.
Në konferencën për shtyp në prag të kësaj sfide ishte i pranishëm Julian Ahmataj, i cili theksoi se kryeqytetasit kanë disa mungesa, por lojtarët janë gati për të zbritur në fushë.
“Kemi mungesa por kemi edhe lojtarë të tjerë në rikuperim ose me dëmtime dhe nuk e di nëse do të jenë. Por skuadra ka forca për të përballuar ndeshjen dhe ka lojtarë me cilësi në përbërjen e saj.
Eksperimente nuk do të ketë. Do të jenë të njëjtët lojtarë, si të rinjtë ku bën pjesë edhe Qefalija. Janë pjesë e rëndësishme e skuadrës për t’i dhënë ndihmë ekipi kur ka nevojë.
Skënderbeu? Ndeshja nuk i ngjan ndeshjes. Secila ka rëndësinë e saj. Skënderbeu ka elementë të rinj dhe të vë në vështirësi”, përfundoi tekniku i bardhebluve.
Lexo gjithashtu
