Presidenti i Kukësit, Safet Gjici është arrestuar pasditen e kësaj të shtune. Burime për mediat bëjnë me dije se Gjici është prangosur ditën e sotme në një lokal poshtë shtëpisë së tij në Kukës.
Mësohet se arrestimi i Gjicit ka ardhur me urdhër të SPAK, pasi në 16 qershor, të njëjtën ditë kur u publikua videoskandali seksual në zyrën e tij, Prokuroria e Posaçme nisi hetimet për ish-kryebashkiakun.
Arrestimi i Gjicit është bërë vetëm një javë pas publikimit të videoskandalit, ku ish-kryebashkiaku shfaqej teksa kryente marrëdhënie seksuale në zyrën e tij.
Pas publikimit të kësaj video, përmes një postimi në rrjetet sociale Gjici dha dorëheqjen nga posti i kryetarit të Bashkisë së Kukësit, ndërkohë bëri me dije se me vajzën në të cilën shfaqej në video Alma.K prej kohësh kishte një lidhje dashurie.
Në postimin e tij, Gjici gjithashtu akuzoi kundërshtarët e tij politike duke thënë se e kanë futur në kurth pasi nuk e mposhtën dot në zgjedhjet lokale të 14 Majit.
Lexo gjithashtu
