Tirana nuk sheh objektiv tjetër veçse fitoren përballë Erzenit ditën e sotme në orën 17:45. Bardheblutë nuk kanë humbur asnjëherë ndaj shijakasve madje duke i fituar të 8-të sfidat ndërmjet tyre. Trajneri Shehi po skicon detajet e fundit teksa është i kushtëzuar edhe nga disa mungesa.
Vesel Limaj nuk ja del të jetë gati për ndeshjen e sotme. Mesfushori u dëmtua pak momente para ndeshjes me Bylisin dhe sot do të jetë në tribunë. Veç Limaj, mungojnë edhe dy maqedonsit, Tosevski e Najdovski. I pari është thirrur nga Kombëtarja ndërsa tjetri sapo ka hedhur pas dëmtimin por gjendja e tij fizike nuk është optimale për ndeshje.
Në repartin e sulmit sytë janë të Patrick që e shqetëson një epidemë në gisht dhe nëse nuk ja del të jetë gati sot, vendin e tij pritet ta marrë përsëri sulmuesi i akademisë, Dijar Nikqi, i cili e nisi si titullar edhe në Ballsh.
Formacioni i mundshëm:
TIRANA (4-2-3-1): Bekaj; Hussein, Behiratche, Lulaj, Ismajlgeci; Aleksi, Deliu; Hasani, Kallaku, Xhixha; Nikqi
Trajner: Orges Shehi
Lexo gjithashtu
