Flamurtari nuk ia ka dalë as këtë javë që lamë pas në kampionat ndaj Partizanit. Vlonjatët u mundën në transfertë nga të kuqtë me rezultatin 2-0. Kjo ishte humbja e dytë për të besuarit e Ilir Dajës pas asaj sfide në Korçë ndaj Skënderbeut.
Edhe pse vlonjatët kanë humbur gjashtë pikë me shumë vlerë në këto dy takime, administratori i klubit, Sinan Idrizi nuk e bën kaq të madhe. Ai ka komentuar ecurinë që ka patur ekipi, duke u shprehur se nuk duhet kryeqëzuar skuadra për dy humbje dhe se duhet kohë që ekipi të konsolidohet.
Idrizi është shprehur se nga tani e tutje do të verë në zbatim të njëtën formulë që Safet Gjici ka aplikuar me Kukësin, e cila sipas administratoritë të Flamurtarit ka rezultuar e suksesshme. Idizi ka kërkuar që skuadra të fitojë 5 takimet e radhës, të njëjtat fjalë që jemi mësuar t'i dëgjojmë dhe nga Gjici shpesh herë.
Ndër të tjera, Idrizi ka komentuar dhe reagimin e Agustin Torrasës pak ditë më parë, i cili reagoi disi ashpër në pankinë pasi u zëvendësua nga Daja. Lidhur me këtë veprim, administratori i Flamurtarit është shprehur se nuk duhet analizuar kaq gjatë dhe se ka qenë një veprim emocional, duke vlerësuar Torrasën për punën dhe vullnentin që ka treguar në këto javë të para të kampionatit.
Lexo gjithashtu
