Ish-trajneri i të kuqve, Shpëtim Duro, ka bërë një analizë të shkurtër të gjendjes së Partizanit. Nga mbrojtja në sulm ai ka përshkruar situatën që ndodhet skuadra në këto momente, ku sheh vështirësi dhe denigrime për lojtarë të ndryshë,
Ai e nis me mbrojtjen, ku Atanda dhe Arapi janë në qendër të vëmendjes, ndërsa në mesfushë për të nuk po veprohet siç duhet me Mentor Mazrekajn, por edhe në sulm me largimin e Sukaj e Raçiç. Në një intervsitë të shkurtër, ish-trajneri i "demave" thotë gjithçka.
Starova, në një intervistë për median ka thënë se Partizani është pretendent për titull, edhe pse dukshëm merkatoja është jo ajo që pritej, teksa ka pasur mungesa në afrime lojtarësh cilësorë si në mesfushë, edhe në sulm. Ngaqë keni qenë plot 1 vit trajner dhe menaxher i merkatos së Partizanit, a mendoni se ky kontigjent lojtarësh është i aftë cilësisht të dalë kampion?
Partizani e ka kontigjentin për titullin kampion, ashtu siç ka qenë pretendent këto dy sezone. Por, nuk më vjen mirë kur shikoj një indiferentizëm ndaj Mazrekajt, për mendimin tim një nga lojtarët më të mirë në Shqipëri. Nuk më vjen mirë kur shikoj Vilën mbrojtës të majtë, nuk më vjen mirë për largimin e Arapit, si një lojtar mjaft cilësor. Nuk më vjen mirë për denigrimin si lojtar të Atandës. Për mua, gjëja pozitive te Partizani është afrimi i një lojatari si Ekuban. Varet si do të interpretohen ndeshjet, por jam i bindur se Partizani, me këtë organikë, i ka mundësitë të rivalizojë për titull.
[caption id="attachment_30023" align="alignleft" width="300"]
Shpëtim Duro kur drejtonte të kuqtë[/caption]
Por, nga intervista e Starovës, ai vë qartë piketat e sulmit. Shprehet se në sulm ka Ekuban e në mbështetje Filin dhe Torassa, duke e dhënë praktikisht të mbyllur merkaton e sulmit, kur nga vjet janë larguar Raçiç, Sukaj dhe Fasliu. Partizani në 7 ndeshje në Europë ka shënuar vetëm 3 gola dhe s’ka fituar asnjë ndeshje. Pra, sulmi është në ditë të keqe, sipas shifrave. Si e gjykoni këtë parashtrim dhe gjendjen e repartit të sulmit?
Keni të drejtë. Me Sukajn, Raçiç, Fasliu dhe Ekuban, Mazrekaj dhe Fili, Partizani do të ishte super. Mua më shqetëson jo vetëm sulmi, por dhe në mbrojte ka pasur mjaft problem, duke pësuar shumë gola.
Pjesa ofensive e mesfushës për shumë tifozë mbetet “thembra e Akilit”, përpos sulmit të dobët në emra dhe shifra. A e shikoni mesfushën ofensive të Partizanit me defiçencë, ku mungon edhe “play-maker”-i?
Nuk duhet të hyj në detaje, por ndryshimet e mëdha në organikën e lojtarëve dhe staf nuk janë pozitive. Skuadrës që kam lënë para një viti iu desh një Cetkoviç, që së bashku me Bathën dhe Trashin do të përbënin një mesfushë shumë interesante. Starova ka folur në maj për Raçiç, ish-sulmuesi kryesor juaji, duke thënë se është i pakorrigjueshëm… Nuk dua të komentoj, por nën drejtimin tim, si Raçiç me 14 gola, edhe Mazrekaj kanë qenë më të mirët te Partizani.
Ish-kapiteni, Nand Ocelli, ka kritikuar menaxhimin e grupit, duke dhënë shumë kritika të afërta me ato çka deklaruat ju. Ndërkohë, Starova e akuzon se nuk e njeh situatën. A mos ju duket një tendencë në klub për t’iu mbyllur gojën “kritikëve”?
Ju thashë shumë gjëra për shumë lojtarë, konkluzionin mund ta nxirrni vetë…
Autori: KS Partizani
Lexo gjithashtu
