Bylis dhe Erzeni do të sfidojnë njëra-tjetrën në sfidën e javës së 24-të. Në “Adush Muça” kërkohen vetëm 3 pikët, të cilat janë shumë të vlefshme për objetivat e dy ekipeve. Kjo përballje do të startojë duke nisur që nga ora 13:00.
Të dyja skuadrat mnë këtë sfidë përballë njëra-tjetrës vijnë me plot mungesa. Naxhi Shensoi do të vuajë mungesat e Damçevskit që është i pezulluar për shkak kartonës. Teksa të dëmtuar janë dy sulmuesit, Beji dhe Soza. Në këto takim Loran është i gatshëm për Shensoin.
Edhe nga krahu tjetër mungesat janë të shumta. Kapllani i bën llogaritë pa Krasniqin, Sadikin dhe Leao që janë të dëmtuar dhe riaftësimi i tyre nuk është arritur ende. Për shkak kartonësh do të mungojë Ilirid Ademi, teksa edhe Kadriut do të mungojë, pasi ka shfaqur probleme javët e fundit.
Formacionet zyrtare:
Bylis (4-2-3-1): Teqja; Trumçi, Adili, Zogos, Zguro; Maçolli, Loran; Lajthia, Eskuerdinha, Santos; Kaçorri Trajner: Naxhi Shensoi
Erzeni (3-4-2-1): Xhika; Iljazi, Enck, Peposhi; Osmanllari, Krivicic, Mehmeti, Asani; Alan, Kahrimanovic; Nonato. Trajner: Xhevahir Kapllani
Lexo gjithashtu
