Tirana po përgatitet për ndeshjen e radhës ndaj Kastriotit. Takimi do të zhvillohet në stadiumin Air Albania, duke startuar në orën 19:00. Ndeshja e vlefshme për javën e 13-të të Abissnet Superiore, sheh si favorite bardheblutë, pasi vijnë nga një sukses në Superkuën e Shqipërisë.
Trajneri Shehi ka folur për sfidën e nesërme duke u shprehur se fokusi është maksimal për këtë takim. Shehi njeh mirë forcën e Kastriotit, dhe nuk do të dëshironte një surprizë në këtë përballje. Fitorja ndaj Vllaznisë është lënë pas dhe tashmë Tirana ka objektiv 3 pikët e radhës në Superligë.
"Rinis kampionati dhe duhet luajtur me të njëjtin përqëndrim si ndaj çdolloj kundërshtari pavarësisht se Kastrioti është skuadër që ka shumë armë të forta. Kundërshtar që shumë herë na ka vënë në vështirësi dhe duhet të mbledhim mendjen që do të jetë një ndeshje shumë e fortë dhe e vështirë."
Çfarë prisni nga kjo pjesë e voglël e kampionatit që do të luhet në dhjetor?
Me sa morëm vesh me ndryshimin e axhendës, do të jenë tre e jo katër ndeshje dhe do të kemi përsëri një përiudhë 20 e sa ditë që na duhet të riformatojmë përsëri programin por përqëndrimin e kemi te këto tre ndeshje që janë në një kohë të shkurtër.
Duhet të jemi të vëmendshëm, serioz por edhe të mençur. Këto ndeshje mund të zgjidhen në disa situata që kërkojnë vlerësim pasi një situatë mund të sjellë ndryshimin komplet të rrjedhës së lojës.
9 pikë në tre ndeshje? – Ne kërkojmë të bëjmë maksimumin nesër. E rëndësishme është të mos dalësh nga fusha me pishmane, duhet të dalim nga fusha me idenë që dhamë gjithcka. Futbolli është një lojë gabimesh ku nuk fiton gjithmonë më i miri por duhet të jemi të bindur që duhet të japim më të mirën tonë pasatj rezultati në fushë mbetet për t’u parë.
Kastrioti ka marrë 1 pikë në ndeshjen e parë – Nga ndeshja e parë deri tani janë 2-3 muaj, një largësi e madhe, skuadrat edhe në mënyrë loje ndryshojnë, kanë një formë tjetër. Është një ndehsje që vjen pas pauzës dhe Superkupës dhe mund të jetë një tjetër melodi sepse edhe stadiumi ndryshon, nuk luajmë në Kamëz por në Air Albania.
Çfarë i duhet kësaj skuadrë që të jetë dominuese? – Të jesh dominues është dicka shumë e madhe. Të jesh dominues do të thotë të jesh superfuqi në të gjitha drejtimet, në organikë në cdo gjë. Ne kërkojmë dominimin në lojë, të jemi gjithmonë ne por sigurisht situatat në lojë ndryshojnë por duhet të përqëndrohemi që t ëjemi ai ekip që kërkon gjithmon maksimumin.
Lexo gjithashtu
