Vllaznia do të presë në “Loro Boriçi” skuadrën e Bylisit për të zhvilluar mes tyre edhe sfidën e kthimit të Kupës së Shqipërisë. Një sfidë që do të startojë në orën 13:00. Nga shkodranët kërkohet kualifikimi, teksa kanë triumfuar në 2-0 në përballjen e parë.
Në parg të këtij takimi ka folru edhe trajneri Mirel Josa, i cili ka theksuar se skuadra e tij duhet të luajë sikur rezultati është 0-0. Ndër të tjera tekniku i kuqebluve nënvizoi se përgjegjësia nuk është evtëm e Bekim Balajt por e gjithë skuadrës.
“Nuk na e heq njeri të drejtën për të pretenduar. Ne do të kemi një ndeshje, me anë të së cilës, nuk duhet ta kemi mendjen te rezultati 2-0, por te mënyra e lojës tonë. duhet t’ia bëjmë vetes sa më të thjeshtë vazhdimësinë e lojës.
Nuk do të thotë që nuk do të ketë ndryshime. Do të ketë ndryshime pasi ka lojtarë që janë ngarkuar shumë. Kemi lojtarë të cilët kanë pasur probleme fizike, të cilët janë rikuperuar. Por vazhdojmë t’i kemi jashtë disa. Duke pasur parasysh ndeshjen e fundit që bëmë me Erzenin, do të ketë lëvizje të cilat do të na bëjnë që të jemi shumë më të qetë për vazhdimësinë e lojës. Përsëri do të urojmë që këto lojtarë që do të fusim ta bëjnë 100% punën e tyre. Problemi është që ngarkesa e lojtarëve të mos jenë të dendura.
Adili është një lojtar që ka respektuar Vllazninë. Tani është radha që të respektojë Bylisin. Kështu që ne e kemi respektuar si lojtar. Kemi dashur që ta kishim pjesë të skuadrës. por nuk kanë gjetur akord me klubin. E respektojmë për atë që ka dhënë te Vllaznia.
Unë kam folur personalisht me Bekimin. Ai nuk ka ardhur që të dalë golashënuesi më i mirë. Normalisht që ai ndjen një përgjegjësi, qoftë për shumën monetare. Por përgjegjësia nuk është vetëm e një lojtari. Bekimi të jetë i qetë. Ai bashkë me Kainën dhe me lojtarët e tjerë do të plotësojnë këtë mangësi që ndjenjë brenda tyre.
Aralicën nuk e llogaris më në skuadër. Ka shprehur sërish probleme dëmtimi. Ne nuk kemi kohë të presim lojtarët të kthehen nga dëmtimi. Është periudhë shumë e vështirë. Nuk e llogaris për momentin. Unë nuk flas për një lojtar që ka shkuar në Kroaci për t’u operuar. Nxori një problem mbas ndeshjes së fundit që është aktivizuar. Të flasim për lojtarët që kam në kontingjent të skuadrës”, u shpreh Josa.
Lexo gjithashtu
