Në një konferencë të jashtëzakonshme për shtyp, Federata Shqiptare e Futbollit e përfaqësuar nga Sekretari i Përgjithshëm Ilir Shulku ka folur mbi të rejat më të fundit lidhur me dënimin e Skënderbeut nga UEFA, titullin kampion, stadiumin "Loro Boriçi" dhe startin e kampionatit.
[caption id="attachment_13293" align="alignleft" width="300"]
Skënerbeu, ekipi kampion i Shqipërisë për sezonin 2015-2016[/caption]
I pyetur nga gazetarët për heqjen e titullit për skuadrën korçare, ai theksoi se kjo do të vendoset pas shqyrtimit të materialit të ardhur nga UEFA, por si fillim do t'i kalojë Komisionit të Etikës në FSHF që të hetojë situatën dhe më pas të vendosë. Domethënë, vazhdon që topi të shkelmohet sa nga njëra palë te tjetra për çështje kaq të nxehta.
"Kampioni në fuqi i Superiores është Skënderbeu", e nisi deklaratën e tij Sekretari i përgjithshëm i FSHF-së Ilir Shulku. "I kemi kërkuar UEFA-s materialin që u dënua ekipi korçar. Pasi të marrim materialin nga UEFA do të vendosë Komisioni i Etikës për këtë çështje", vazhdoi Shulku për çështjen e orëve të fundit që largoi Skënderbeun nga Champions League pasi akuzohet për trukim të rezultateve.
Sa i përket kapacitetit të stadiumit "Loro Boriçi" dhe shtyrjes së datës së kampionatit, ai thotë: "Nuk e reduktuam kapacitetin e stadiumit "Loro Boriçi", ai do të ketë 15.919 vende. Sezoni i ri do të nisë në fillim të shtatorit pas konsultimit me trajnerin De Biazi", ku nuk dihen arsyet pse trajneri i ekipit kombëtar duhet të marrë këtë vendim për kampionatin vendës, kur te kuqezinjtë aktivizohet Alban Hoxha dhe Orges Shehi dhe jo lojtarë të tjerë që do të dëmtonin ekipet në kampionat.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
