Butrinti është skuadra që ndodhet në skajin më jugor të Shqipërisë, ndërsa ka një buxhet për t'u admiruar nga skuadra të tjera që janë në Superiore. Fondi për sportin është 250 milionë lekë të vjetër, por ku shkojnë këto para?
Butrinti i ditëve të sotme është në ditën e tij më të keqe, ndërsa rikthehet të luajë në Kategorinë e Dytë. Pak ditë përpara nisjes së sezonit ekipi që drejtohet nga Adriatik Faslliu dhe që në rolin e presidentit ka kryebashkiaken Floriana Koka, nuk ka para për rrogat mujore, topa dhe bazë materiale për stërvitje dhe për ndeshje. Për të mos folur më tej për akomodimet e lojtarëve që vijnë nga rrethet dhe trajtimin e tyre me ushqim.
Situata është alarmante kur mendon se në letër janë të shkruar miliona para dhe në realitet ky ekip ndodhet në gjendjen më të ulët që ka përjetuar gjatë viteve të fundit. Të mërkurën ata do të luajnë ndeshjen kundër Skënderbeut, ndërsa tifozët vënë alarmin për rrobat, paratë dhe bazën minimale me materiale për zhvillimin e stërvitjes dhe ndeshjeve. Gjithçka cilësohet si turp, ndërsa sarandjotët kërkojnë që drejtuesit të vënë dorë që skandali të mos përshkallëzohet më tej.
Lexo gjithashtu
