Kampionati ka hyrë në një fazë shumë delikate dhe të luftuar, ku tashmë një gabim kushton shumë në garën për të arritur objektivat e tyre. Partizani pas 29-javësh e shikon vetën -5 nga Tirana kryesuese. Demat në javët e fundit kanë pasur edhe disa mungesa dhe gjendja e lojtarëve nuk ishte më e mira e mundshme.
Por duket se tashmë rikthimet nga dëmtimet e “ngrohin” Giovanni Colellën për 7 “finalet” e mbetura. Cara, Atanaskovski që kishin probleme fizike në sfidën me Laçin treguan se tashmë janë gati për “sprintin” final. Ndërkohë edhe Magguet dhe Telushi kanë marrë ngarkesën e duhur dhe pritet që të jenë ta gatshgëm për sfidën ndaj Bylisit që do të luhet ditën e diel në stadiumin “Partizani” ora 18:00.
Për shkak edhe të mungesave që të kuqtë kanë pasur, Colella ka vendosur t’iu besojë edhe të rinjve të akademisë. Në duelin me kurbinasit u aktivizua Orjel Murati. 21-vjeçari vjen nga Fieri dhe luan si sulmues i majtë. Në stol gjithashtu ishte edhe golashënuesi i ekipit U-21, Luis Birçaj. 19-vjeçari ka rënë kështu në syrin e Colellës, ndërsa pret momentin e tij për të zbritur në fushën e lojës me fanelën e ekipit të parë të Partizanit.
Lexo gjithashtu
