Cristiano Ronaldo e nisi nga stoli i rezervave ndeshjen përballë Zvicrës, të fituar 6-1 nga Luzitanët. Hero ishte padyshim Goncalo Ramos me tre gola, piëkrisht ai që i zuri vendin Ronaldos. Ekipi sot është kthyer në stërvitje por jo i gjithë grupi.
Pushim për lojtarët që luajtën nga minuta e parë dhe stërvitje e lehtë për ata që erdhën nga stoli apo nuk luajtën fare. Përveç Ronaldos. Mbrëmë, sulmuesi u fut në minutën e 74’ kur ndeshja ishte e mbyllur por pa mundur të gjejë rrugën e rrjetës.
Fernando Santos krijoi një plan stërvitor për 12 lojtarë, përfshirë edhe Leaon që u fut njëkohësisht me Cristianon por duke shënuar golin final. Por, ish-lojtari i Man United nuk u bashkua me grupin e rezervave dhe preferoi të punonte në palestër. Shpjegim zyrtar nuk ka por si duket, Ronaldos nuk i pëlqen të jetë në grupin e rezervave.
Lexo gjithashtu
