Ndeshjet mes Egnatias-Vllaznisë dhe Katriotit-Tiranës mbyllën kështu edhe javën e 22-të të “Abissnet Superiore”. Një javë e cila na dhuroi emocione të forta, teksa gola spektakolar janë shënuar.
Tirana vazhdon të kryesojë kampoionatin dhe fitorja e ditës së sotme me golin e Dijar Nikqit. Plot 40 pikë nga bardheblutë deri në këtë moment, 3 pikë më shumë se rivalët e tyre të kryeqytetit. Pikërisht Partizani mori një fitore karakteri ditën e djeshme ndaj Erzenit. Demat edhe pse me 10 lojtarë për 90 minuta në fund ia dolën të shënojnë 3 gola për të koleksionuar kështu fitoren.
Vllaznia dhe Egnatia nuk shkuan më shumë se barazimi 0-0 mes tyre në Rrogozhinë. Shkodranët ndodhen në vendin e 3-të me 35 pikë, ndërsa skuadra e Edlir Tetovës ka 4 më pak në vendin e 4-të.
Erzeni ka 3 javë që nuk arrin te fitorja duke humbur kështu terren ndaj ekipeve të kreut. Shijakasit u mposhtën nga Partizani dhe tashmë e shikojnë vetën në pozicionin e 5-të po aq pikë sa Egnatia.
Laçi mposhtet sërish në kampionët, këtë herë Bylisi u merr 3 pikët në Kurbin. Ballshiotët shkojnë në kuotën e 26 pikëve në vendin e 8-të. Bardhezintë me 29 pikë ndodhen në vendin e 6-të. Vetëm 1 pikë më pak ka Teuta që ndodhet në vendin e 7-të, ku durrsakët siguruan fitoren ndaj Kukësit, në duelin e mbijetesës.
Verilindorët kanë arritur të sigurojnë 25 pikë pas 22 javësh dhe në fund klasifikimin e mbyll Kastrioti me 20 pikë.
Siç duket gara është bërë akoma më e fortë pas javës së 22-të të “Abissnet Superiore”. Ekipet që ndodhen në zonën e ftotë i ndajnë vetëm 11 pikë nga zona europiane, nga krahu tjetër vetëm 6 pikë ndohet vendi i 3-të nga kryesuesit e Tiranës.
[caption id="attachment_681077" align="alignnone" width="300"]
Renditja e kampionatit pas javes se 22-te[/caption]
Lexo gjithashtu
