Komisioni i Etikës pranë FSHF-së ka marrë pothuajse çdo vit nga një vendim, ku ka dënuar skuadra dhe futbollistë për ndeshje të trukuara. Sot në derën e FSHF-së dhe gjithë futbollit shqiptar trokiti një "gjobë" e madhe, e cila ndëshkon Shqipërinë dhe të gjithë që bëjnë sport brenda territorit të vendit tonë.
Normalisht, kjo është vulë e zezë për të gjithë ne që merremi me sportin, pasi nuk është e lehtë që të mbash mbi supe 40 ndeshje të trukuara vetëm brenda vendit nga një skuadër dhe 13 të tjera jashtë kufijve të Shqipërisë.
Por, në këtë rast të gjithë çuditen dhe mbeten në pritje të fjalës së FSHF-së, e cila normalisht do të bëjë si përherë, sidomos me publikimin e pak minutave më parë ku haptas merrte në mbrojtje Skënderbeun.
Njolla e zezë na ka përfshirë të gjithëve, por pikëpyetje të mëdha lindin për Komisionin e Etikës, i cili vit pas viti ka dënuar vetëm skuadra të dobëta si Shkumbini, Kastrioti, Bylisi, Tërbuni, Elbasani apo e të tjerë, të cilët në arkat e tyre nuk kanë aq para sa të mbajnë përsipër gjobat e vendosura. Ndërsa me të fuqishmit si Skënderbeu e të tjerë që janë përmendur në këtë listë, nuk ka guxuar askush që t'i ndëshkojë.
Normalisht, kjo situatë dhe pikëpyetjet që lindin janë të shumta, sepse të gjitha na çojnë tek i njëjti mendim; A i ka vënë UEFA në dijeni drejtuesit e FSHF-së për këtë situatë? Normalisht që PO, sepse UEFA është një organ mjaft i madh që drejton futbollin Europian, pasi ka shumë struktura që merren me vendimet dhe korrespodencat me FSHF-në janë të shpeshta, sepse aty ndërtohet puna e saj.
Pra, FSHF-ja ka bërë një sy qorr këtë herë, duke bërë të fortin me klubet e dobët dhe me të fortët ka qëndruar duarkryq. Ndërsa sot si për çudi, një vendim i frikshëm u bë publik, i cili është skandal kombëtar dhe duhet marrë një vendim drastik për të ardhmen, sepse këtë herë trupi nuk mund haet me bukë!
Lexo gjithashtu
