Kastrioti u mposht në transfertë nga Elbasani. Ndeshaj e zhvilluar në stadiumin “Elbasan Arena”, krutanët humbën me rezultatin 3-1. Me këtë humbje, Kastrioti mbetet në vendin e tetë me 11 pikë.
Pas kësaj sfide, për mikrofonat e MCN TV, ka folur trajneri i Kastriotit, Ramadan Ndreu.
“E kemi deklaruar që në fillim që këtë vit jemi skuadër që mund të kapim gjashtëshen e parë dhe asgjë më shumë. Elbasani ka lojtarë me nivel që dinë ta ulin dhe ta shpejtojnë ritmin. Janë skuadër që të vënë në vështirësi. Ne u munduam, por ndryshimin e bënë golat për nivelin që ato kanë. Gjithsesi ne shkojmë drejt objektivit. Kemi lojtarë të rinj që nuk arrijnë ta mbajnë balancën e lojës. Por, nga ndeshja në ndeshje ne do të përmirësohemi”, u shpreh trajneri Ndreu.
-Pse kaq shumë gola? Të tre golat ishin gabime individuale të mbrojtjes…?
“Ke të drejtë, por reparti i mbrojtjes është totalisht me lojtarë të rinj. I mungon ana taktike mbrojtjes, pasi kanë shumë pak minuta në këmbën e tyre. Por po të flasim në përgjithësi, mbrojtësit vuajnë nga disa mesfushorë që hezitojnë për tu kthyer mbrapa. Janë gabime që unë mendoj se duhet kohë për t’i rregulluar.”
-Reagimi i skuadrës ishte i dobët dhe i vonuar…?
“Ndeshjen e fundit me Kavajën ne e pësuam në fund. 2-3 lojtarë i ndëshkova edhe pse kishin eksperiencë. Kur ato u futën ne fituam terren. Por gjithsesi ata janë të brishtë sepse çunat e rinj nuk kanë eksperiencë.”
-Të mungon Superiorja?
“Objektivat tona këtë vit është gjashtëshja e parë. Një nga këto arsye është stadiumi. U lodhëm sa në një stadium në tjetrin. Nuk mundemi më shumë. Padiskutim që më mungon Superiorja, por punë është edhe atje edhe këtu.”
-Situata e Saliaj?
“Është dëmtim i rëndë pasi ka lëvizje të brrylit, por shpresoj të kthehet shpejt.”
Lexo gjithashtu
