Polemikat mbi të ardhmen e Mbappe u ndezën gjatë gjithë verës së fundir, vetëm për të përfunduar me një 'paqe' të papritur me PSG. Por që do të sjellë ‘spektakël’ deri në qershorin e ardhshëm. Episodi i parë mban firmën e Nasser Al-Khelaifi i cili ka paralajmëruar Real Madrid me spanjollët që presin të firmosin me parametra zero në verën e ardhshme.
“Jemi të lumtur që kemi Mbappen këtu dhe... do ta kemi sëris. Ju mund të bëni çfarë të doni, por në fund Kylian do të qëndrojë këtu, në Francë”, u shpreh kreu i PSG për mediat polake. Ka besim te parisienët për zgjatjen e 24-vjeçarit. Prioriteti i kampionëve francezë është të mos e humbasin në transfertë të lirë.
Sërish për mediat polake, numri një i PSG-së foli edhe për projektin e Superligës , pjesë e të cilit janë ende Real Madridi dhe Barcelona.
"Superliga është vetëm një shaka. Ishte e vdekur para se të shpallej. Ata gjithashtu do të duhet të tërhiqen sepse nuk kanë zgjidhje. Juve e ka bërë tashmë. Unë nuk jam kundër Barcelonës apo Real Madridit, nuk do të përjashtoj askënd. Jam kundër konfliktit. Takova Joan Laporta dhe i thashë të njëjtën gjë gjë", mbylli sheiku.
Lexo gjithashtu
