Christian Eriksen u rrëzua sërisht në fushë duke sjellë në vëmendje situatën në Euro 2020, ndërsa këtë herë shpëtoi nga defibrilatori.
Nëpërmjet një postimi në rrjetet sociale, Eriksen ka konfirmuar se aktualisht ndodhet në shtëpi pranë familjes së tij dhe është në gjendje të mirë shëndetësore.
“Dua t’i bëj të ditur të gjithëve se jam mirë dhe se ndodhem në shtëpi me familjen time. Siç mund ta imagjinoni, marrja e një goditjeje nga ICD-ja ime ka pasur një ndikim të madh si tek unë, ashtu edhe tek familja ime. Por dua t’i siguroj të gjithë se kjo ishte një situatë ndryshe nga ajo që ndodhi në vitin 2021.
Ndihem mirë dhe rikuperimi im tashmë ka filluar. Përveçse jam mirënjohës për mbështetjen dhe ndihmën e të gjithë lojtarëve dhe ekipit mjekësor në fushë, jam gjithashtu jashtëzakonisht mirënjohës ndaj mjekëve që janë kujdesur për mua dhe zemrën time ndër vite. Falë ekspertizës së tyre, ICD-ja ime bëri pikërisht atë për të cilën ishte projektuar: Të më mbronte kur kisha nevojë.
Për momentin, fokusi im është te rikuperimi, kalimi i kohës me familjen time, pushimet dhe të luaj futboll me fëmijët e mi”, shkruan Eriksen në postimin e tij.
Ky reagim i tij ka shuar shqetësimet për mesfushorin, ndërsa mbështetja nga kolegët dhe tifozët ka qenë e menjëhershme, duke i uruar shërim të shpejtë.
View this post on Instagram
Lexo gjithashtu
