Zemërimi i presidentit të Kukësit, Safet Gjicit, pas barazimit me Rudarin në Europa League, nuk ka qenë momental. Ai paralajmëroi masa të forta, nëse ekipi nuk kualifikohet, por duket se ka nisur nga “puna” menjëherë. Trajneri Hasan Lika është shumë i rrezikuar, për të mos thënë i shkarkuar, pasi po mendohet që tani për pasuesin e tij. Mirel Josa është gati të ulet në stolin e Kukësit. Trajneri me 4 tituj radhazi me Skënderbeun është i preferuari i drejtuesve kuksianë dhe tashmë është vetëm çështje kohe ndryshimi në stol. Zhgënjimi i madh në ndeshjen e fundit, veçanërisht nga niveli i lojës, ka bërë që ky ndryshim të jetë i pashmangshëm.
Poll
Lexo gjithashtu
