Simon Simoni u largua nga Dinamo për t’u transferuar në Bundesligë. Kësisoj drejtuesit e Dinamos u vunë menjëherë në lëvizje për të gjetur zëvendësuesin e tij. Vetëm Edvan Bakaj nuk mjafton deri në fundin e sezonit duke bërë që të hidhen sytë përtej Adriatikut.
Shtypi i shkruar raporton se Luca Crosta është “gardiani” i ri që do t’i bashkohet dinamovitëve. 24-vjeçari ka gjetur akordin me drejtuesit kryeqytetas dhe mund të debutojë që në takimin kundër Luzit.
Ai është formuar në Akademinë e Milanit, ku ka luajtur me moshat U-17 dhe U-19. Ka provuar të kontribuojë në Serinë B dhe C të kampionatit italian duke veshur fanelat e Olbias, Livornos, Renates dhe Alesandrisë. Këtë edicion futbollistik është pjesë e Irodots në ligën e dytë greke.
Poll
Lexo gjithashtu
