Egnatia dhe Teuta do të jetë sfida e parë e javës së 7-të e Superiores që do të luhet ditën e nesërme, duke nisur që nga ora 14:00. Kjo përballje do të zhvillohet në “Egnatia Arena”, me rrogozhinasit që synojnë të mposhtin durrsakët për një tjetër 3 pikësh.
Për këtë duel Edlir Tetova do të vuajë sërish mungesën e Edison Ndrecës. Ish-lojtari i Kukësit ende nuk është riaftësuar siç duhet dhe ndaj “djemve të detit” nuk është i gatshëm të japë kontributin e tij në fushën e blertë.
Ndërkohë nga ana tjetër rikthimi i Mustës dhe Ahmetaj qetëson stafin rrogozhinas, teksa janë të dy tashmë të gatshëm për të marrë minuta ditën e nesërme. Madje Musta luajti për disa minuta edhe ndaj Vllaznisë.
Kujtojmë se Egnatia aktualisht mban vendin e parë në tabelën e klasifikimit me 13 pikë, 3 më shumë se Tirana e vendit të dytë, por me bardheblutë që kanë një ndeshje më shumë për të luajtur.
Lexo gjithashtu
