Egnatia vazhdon të shkruajë historinë në Kupën e Shqipërisë, me rrogozhinasit që për herë të parë prekin edhe gjysmëfinalen e këtij turneu. Goglat ditën e sotme e vunë përballë Vllaznisë, pengesa e radhës për të tentuar finalen.
Pas hedhjes së shortit për sfidat gjysmfinale ka folur për mediat edhe presidenti i rrogozhinasve, Agim Demrozi, i cili theksoi se objektivi kryesore i të tijve është të arrinjë në Europë, por shancet i kanë edhe të ngrinjë lart trofeun e Kupës.
“Jam i kënaqur me shortin, por edhe nëse do përballeshim me ekipe të tjera ju e keni parë që Egnatia është ekip i fortë. Do të japim maksimumin tonë të arrijmë finalen e Kupës së Shqipërisë.
Objektivi ynë që në fillimin e sezonit ka qenë Europa. Se nga vjen nga kampionati apo nga Kupa, mirë se të vijë. E prisnim reagimin e skuadrës sepse kemi punuar dhe investuar për këtë moment.
Do të luajmë shanset tona deri në fund, mund ta fitojmë Kupën, nuk është habi. Shpresoj të mbajmë vendin e tretë në “Abissnet Superiore”. Ekipet janë të gjitha njësoj, më mirë që ndeshjen e parë e luajmë në Shkodër. Do t’i presim ata në ndeshjen e dytë që do luhet në fushën tone. Kemi një lojtar si Dwamena në ekip”, ka deklaruar Demrozi.
Lexo gjithashtu
