Milan dhe Inter janë dakordësuar me njëri-tjetrin për finalizimin e projektit të përbashkët të stadiumit të ri. Dy klubet do të bëhen pjesë e debatit publik për stadiumin e ri. Dy hipotezat për vendin janë akoma në bisedim. Prishja e San Siros dhe ndërtimi nga e para e stadiumit të ri duket si ideja më e pëlqyer deri tani. Alternativa tjetër ishte ajo e ndërtimit të saj në periferi të qytetit në Sesto San Giovanni pas problemeve të hapura nga Bashkia Milano.
Stadiumi i ri shihet si thelbësorë për zhvillimin e financave të dy klubeve që parashikojnë të ardhura rreth 120 milionë euro në sezon në arkat e tyre pa përfshirë shitjet e biletave për ndeshjet që në sfida derbi apo Championsi kapin shifren e mbi 1 milionë eurove për ndeshje. 80 milionë euro do të vijnë nga stadiumi ndërsa 40 të tjera nga zona përreth.
Punimet pritet të fillojnë në fillim të vitit 2024 deri në 2027 dhe në 2028 pritet shkatërrimi total i San Siro. Data finale për përfundimin 100% të projektit është data 31 korrik 2030. Stadiumi i ri pritet të ketë një kapacitet prej 60 mijë vende.
[gallery ids="659217,659218,659219,659220,659221,659222"]
Lexo gjithashtu
