Gjatë prezantimit te Partizani, trajneri italian, Adolfo Sormani, nuk ka pushuar së foluri, por kur flet shumë bën edhe gabime. Në një monent, trajneri i të kuqve, për të cilin presidenti Demi tha se është privilegj që ulet në stolin e Partizanit, ka bërë një paralelizëm “pa kripë”, që nuk u ka pëlqyer aspak tifozëve të klubit kryeqytetas. Shtypi sportiv shkruan se ai ka krahasuar Partizanin me ekipet që po befasojnë së fundi, si Leiçester, Islanda në Europian apo Atletiko e Madridit. E ka konsideruar Partizanin në “hirushe” dhe kjo gjë i ka tërbuar tifozët e kuq, sepse italiani i ka “prekur në tel”, duke injoruar në një farë mënyre historinë e klubit të madh kryeqytetas. Një gafë e trajnerit të ri që në prezantim dhe që në vazhdim mund të ndikojë në marrëdhëniet e tij me tifozërinë.
POLEMIKA – “Panorma Sport” bën me dije se trajneri Sormani në fund të konferencës ka polemizuar me sulmuesin e larguar Xhevahir Sukaj, duke thënë se shkodrani kishte përparësi kalimin në Malejzi. Ai ka hedhur poshtë faktin se sulmuesin nuk e donte trajneri. Kurse për Mazrekajn dhe Fejzullahun trajneri italian u shpreh se janë çështje, që duhet t’i zgjidhë klubi.
Lexo gjithashtu
