Situata te Partizani nuk është aspak e qetë. Si të mos mjaftonte pozicioni në renditjen e Superiores, teksa tashmë fati për titullin kampion nuk varet më nga të kuqtë, Ëngjëll Hoti është rikthyer në një çështje te kryeqytetasit. Siç raporton shtypi i shkruar, lojtari ka munguar në dy seanca stërvitore.
Nën zë thuhet se ka ndodhur për të mbuluar tensionin që ekziston mes tij dhe drejtuesve, ndërsa të tjerë kanë treguar se ka pasur probleme shëndetësore. Megjithatë refuzimi i rinovimit të kontratës me Partizanin duket se ka sjellë të gjithë këtë gjullurdi.
Stafi teknik bashkë me drejtuesit e kishin pjesë të projektit për sezonin e ri futbollistik. Mirëpo lojtari dëshiron një kampionat më të fortë dhe kësisoj nuk ka pranuar që të vijojë “martesën” me të kuqtë. Në këto kushte, prej një muaji e kanë ulur në stol. Kulmi arriti në ndeshjen me Bylisin, ku në penalltinë e akorduar, ai pati debat me Carën për goditjen e saj.
Por, stafi ia besoi kavajasit. Në fund 11 metërshi u anulua me VAR, por kjo ka krijuar pakënaqësi te lojtarit. Pritet me interes të shihet se çdo të ndodhë mes tij dhe drejtuesve të kuq, që kanë treguar vitet e fundit se nuk lëshojnë pe për këto situata.
Lexo gjithashtu
