Xhuljo Tabaku është një nga lojtarët kryesorë të Korabit. Mesfushori një lider i padiskutueshëm te skuadra nga Peshkopia ka zgjuar inteteresin e skuadrave të Superiores.
28-vjeçari në finalen e “Play-Out” ndaj Erzenit, e afroi skuadrën e tij shumë afër Elitës, teksa shënoi golin e barazimit. Për fati e keq të tij, Korabi nuk ia doli të fitonte dhe tashmë edhe sezonin e ardhshëm do të luajnë në Kategorinë e Parë.
Për shërbimet e Tabakut flitet se Skënderbeu është afër firmës, por në kampin e skuadrës dibrane janë të bindur të mbajnë lojtarin. Por edhe 28-vjeçari është i lumtur në Peshkopi dhe nuk dëshiron largimin drejt një tjetër ekipi, pasi kërkon të shkruajë historinë dhe të bëjë të mundur ngjitjen e Korabit në Superiore.
Largimet e Albers Kekos dhe Mario Bashirajt kanë lënë “boshllëk” dhe nëse do të ndanin rrugët edhe me Tabakun atëherë grupi do të humbiste forcën. Në 28 ndeshje që ka luajtur në këtë sezon ka arritur të shënojë 3 gola dhe ka dhuruar edhe një asist. Në mesfushë është një “bishë” e vërtetë, ku çdo aksion fillimisht “filtrohet” nga këmbët e tij dhe në këtë mënyrë drejtuesit e kanë vendosur të “blindojnë” lojtarin e tyre duke hedhur poshtë zërat e largimit.
Lexo gjithashtu
