Teuta do të presë Kukësin në Niko Dovana ditën e mërkurë në orën 17:00 për ndeshjen e parë të çerekfinaleve të Kupës së Shqipërisë. Për të dy ekipet, fitimi i Kupës shihet si një rrugë më e shkurtër drejt kupave të Europës teksa situata në kampionat është më e vështirë. Durrsakët po kalojnë një moment shumë të mirë, më të mirin deri tani në këtë sezon teksa fituan edhe përballë Tiranës dje në Air Albania. Përballë Kukësit fituan javën e kaluar në sfidën direkte dhe dëshirojnë ta bëjën sërish. Në rrjete sociale klubi i bën thirrje tifozëve për përkrahje maksimale në një ndeshje vendimtare të sezonit: Teuta të merkuren zhvillon ndeshjen e parë çerekfinale të Kupës së Shqipëris ndaj Kukësit. Ta përkrahim ekipin e zemrës në një nga ndeshjet vendimtare të këtij edicioni.

 

View this post on Instagram

 

A post shared by ᴋғ ᴛᴇᴜᴛᴀ (@kfteuta.official)