Tirana do të luajë mbrëmjen e nesërme përballë Teutës ndeshjen e javës së dytë të “Abissnet Superiore”. Ndeshja që do të zhvillohet në “Niko Dovana” pritet që të jetë mjaft interesante.
Tirana vjen në këtë sfidë pas fitores 3-2 përballë Dinamo City-t, teksa Teuta luan ndeshjen e parë, për shkak se sfida me Partizanin u shty.
Në prag të kësaj sfide, një një konferencë për shtyp ka folur dhe trajneri i bardhebluve, Orges Shehi.
Si është gjendja e skuadrës dhe kundërshtari? - Skuadra është e plotë por do të shohim. Nga kundërshtari në kundërshtar ka ndryshime. Nuk janë të njëjtë. Jemi në javët e para të kampionatit. Jemi në ndeshjen e dytë, jemi në fillim. Kur kalojnë javë, kemi më shumë informacion. Më vonë do të shohim si janë vendosjet.
Si mund të jetë formacioni? - Na mungon 1 ditë stërvitje dhe mund të ketë levizje ose jo. Nesër do ta shohim se kush do të luajë.
Teuta? - Për derisa është sfidë e parë, kemi pak informacion. Ndoshta Teuta ka më shumë për ne, por nga minuta në minutë do të kemi më shumë informacion, si vendosemi e si luajmë.
Tirana luan dy ndeshje jashtë… - Miti i fushës në Shqipëri ka rënë. Skuadrat janë njësoj dhe një stadium që të lejon të luash, nuk ka avantazh ose disavantazh.
Ndryshimi i Teutës nga sezonit të kaluar? Nuk e dimë gjendjen e kundërshtarit. Kemi informacion përciptazi që kanë lëvizur shumë. Ka lojtarë të rinj që duan të bëjnë mirë. Duhet parë.
Lexo gjithashtu
