Në kompeticionin “Euro 2016” luajnë Shqipëria dhe Kroacia. Ndryshe nga kroatët, kuqezinjtë janë të tretët në grup dhe me shpresën për t’u kualifikuar. Kroacia është e para pas fitores me Spanjën në mbrëmjen e djeshme dhe do të pres në fazën e 1/8-ave një ekip që mendohet i lehtë në letër, pasi në këtë kompeticion asnjë ekip nuk nënvlerësohet.
Matko Djarmati, futbollisti kroat që luan prej 7 vitesh në vendin tonë dhe që është i martuar me këngëtaren shqiptare Gerta Heta, tregon se si po e përjetojnë Europianin në shtëpinë e tij që është e ndarë mes Kroacisë dhe Shqipërisë.
[caption id="attachment_8166" align="aligncenter" width="720"]
Matko Djarmati kur luante te Besa Kavajë[/caption]
-Si e ndien veten një kroat në Shqipëri?
Kam 6.5 vjet në Tiranë dhe 7 në Shqipëri. Kur kam probleme familjare dhe kur ndiej se më mungojnë, marr avionin dhe shkoj 2-3 herë në vit në Kroaci. Jam shumë i kënaqur deri më tani që kam marrë dhe shtetësi shqiptare. Për karrierën nuk e kam vendosur. Gjithmonë me valixhen në dorë është puna jonë si lojtar apo dhe si trajner. Kam një familje dhe jetë personale shumë të qetë në Shqipëri. Kur kam ditë pushim merrem me dy vajzat që kam në shtëpi.
-Si e ka përjetuar Matko Europianin?
Deri tani jam gëzuar për Kroacinë, 99% Shqipëria është e eleminuar për të kaluar turin. Kroacia e mbylli në vend të parë, fitoi direkt kundër kampionëve të Botës dhe kundër kampionëve në fuqi të Europës. Pas kalimit në 1/8-at, Kroacia do të ketë kundërshtar më të lehtë si vendi i parë në grup. Por, do të presim dhe shpresojmë deri në fund për më të mirën.
[caption id="attachment_8167" align="aligncenter" width="1024"]
Ceremonia e martesës së kroatit me këngëtaren shqiptare[/caption]
-Mbrëmë po shihje Kroacinë, apo Turqinë me Çekinë?
Pash ndeshjen e Kroacisë, në telefon pash rezultatin e Turqisë. Ndeshjen e pash në një lokal jashtë shtëpisë.
-Në shtëpinë tuaj si është përjetuar ky kompeticion ku luajnë dy Kombëtare?
I shohim të gjitha ndeshjet kur luan Kroacia dhe Shqipëria. Krijohet atmosferë e bukur në të dyja rastet.
[caption id="attachment_8168" align="aligncenter" width="960"]
Familja Djarmati të ftuar te miqtë shqiptarë[/caption]
-Kroacia pati incident me tifozët...
Tifozët kanë kundër një person, jo Kombëtaren. Ai quhet Zdravko Mamiç. Ky nuk është incident i këtij takimi, por problemi është 10-vjeçar. Është e vështirë të shpjegoj si është situata. Mamiç nuk ka vend në federatën dhe futbollin kroat, sepse ka parë interesat personalë, ndaj tifozët janë kundër tij. Në fund të fundit ai është në gjyq për 10 milionë euro për evazion fiskal.
-Trajner apo lojtar këtë vit?
Nuk kam vendosur 100%. Do të mbaroj kursin për trajner “UEFA A” dhe kur të mbaroj liçensën do të shoh të ardhmen. Besoj se do të luaj edhe për 1 vit. Vjet nuk mora rezultatin që më pëlqen, ndaj kam dëshirën që të luaj edhe një vit. Më interesojnë projekte në skuadra që duan të shkojnë në Superiore. Por, do të shoh edhe mundësinë si trajner i parë në Kategori të Parë, ose zëvendës në elitën e futbollit, sepse duhet të kem liçensën “Pro” që të drejtoj një ekip në Superioren e Shqipërisë.
Lexo gjithashtu
