Partizani ka mbyllur përgatitjet për ndeshjen e rradhës me Erzenin, nesër në transfertë në orën 18:00, e vlefshme për javën e 31-të të Superiores. Nën drejtimin e trajnerit Colella dhe stafit teknik, skuadra ka zhvilluar seancën e fundit stërvitore sot në orën 11:00. Mungesa e sigurt është ajo e Maguette edhe për këtë javë ndërsa Selmani dihet që ka mbyllur sezonin.
Misioni është i njëjti për të kuqtë, fitorja e detyrueshme për të vazhduar t’i bëjnë presion Tiranës deri në ndeshjen derbi, që do të ketë në dorë fatet e titullit kampion. Në fotot e publikuara nga klubi në rrjete sociale, vëmendja shkon te Ëngjëll Hoti i cili duekt se është rikthyer në stërvitje duke lënë pas pakënaqësitë me trajnerin.
Sot në media u raportua se mesfushori nuk ishte paraqitur në stërvitje pasi në ndeshjet e fundit kishte mbetur në stol dhe kjo nuk i kishte pëlqyer aspak, sidomos në këtë pikë të sezonit.
Lexo gjithashtu
