Partizani nuk ka dashur të humbë kohë dhe ka nisur menjëherë me përgatitjet për duelin me Egnatian që do ta luajë ditën e hënë duke nisur që nga ora 15:00. Një takim shumë i rëndësishëm për demat, të cilët kërkojnë pikët për titullin.
Rrogozhinasit kanë treguar se janë një skuadër e fortë këtë sezon dhe jo më kot janë të 3-tët në renditje me 41 pikë. Të vetëdishëm për vështirësinë e këtij takimi që luhet në transfertë, të kuqtë nuk duan asgjë t’ia lënë rastësisë.
Por për këtë sfidë Giovanni Coellën e bën me “dhimbje koke” Atanaskovski. Mbrojtësi është lojtari i momentit te Partizani, por fatkeqësisht në javën e fundit ka shfaqur probleme fizike, për shkak të të cilave mungoi edhe ndaj Teutës. Stafi i kuq është në “ankth” për rikuperimin dhe gatishëmrinë e tij në “Egnaia Arena”, teksa gjendja e tij do të vlerësohet në ditët në vazhdim.
Gjithashtu edhe Telushi dhe Maget nuk janë rikuperuar ende dhe bashkë me Da Silvën do të mungojnë ndaj rrogozhinasve.
Lexo gjithashtu
