Partizani ka nisur edhe përgatitjet anti-Tirana. Të kuqtë kanë zbritur ditën e djeshme në fushë, ku kanë nisur edhe stërvitjen për ndeshjen më të rëndësishme të këtij sezonit. Një sfidë jetike për titullin kampion, një derbi që luhet për krenari dhe prestigj.
Giovanni Colella duke qenë i vetëdijshëm për të gjitha këto ka menduar që fillimisht skuadra të bëjë stërvitje të lehtë në palestër, teksa më pas kanë bërë edhe ushtrime force në palestër.
Pasi lojtarët nisën edhe ushtrimet me topin, trajneri italian u kujdes që herë pas here të dhuronte spektakël. Colella mbante gjithmonë afër vetës një top, ndërsa në situata të ndryshme edhe niste xhonglimet, duke treguar klasi nuk i mungon. Një mënyrë kjo për të larguar paksa presionin nga lojtarët dhe për t’i motivuar ata për sfidën me Tiranën.
Kujtojmë se derbi do të luhet në “Air Albania” më 17 maj duke nisur që nga ora 18:30.
Lexo gjithashtu
