Partizani po vijon punën në fazën përgatitore që po zhvillon në Pogradec për kupat e Europës. Nën drejtimin e trajnerit Zoran Zekic ekipi prej ditësh stërvitet me intensitet të lartë për t’u adaptuar me skemat e reja ndërkohë që lojtarët e afruar duhet të ambientohen me shokët e rinj.
Me afrimin e Eros Grezdës dhe Albers Kekos, sulmi i kuq fitoi cilësi shumë të mëdha por janë edhe dy që i japin dorën e fundit këtij reparti. Remzifaik Selmani dhe Archange Bintsouka kanë rinisur stërvitjet me Partizanin.
I pari u dëmtua para disa muajsh dhe humbi pjesën e mbetur të sezonit ndërsa i fundit përfundoi huazimin te Drenica në Kosovë. Selmani ka lënë pas dëmtimin dhe tani është plotësisht i gatshëm siç shihet edhe nga fotot e publikuara në rrjete sociale nga klubi.
20-vjeçari Bintsouka luan si qendërsulmues dhe në 26 ndeshje këtë sezon shënoi 5 gola e 1 asist. Ai është vënë nën urdhërat e Zekic në stërvitje dhe do të testohet nëse do të vazhdojë përsëri me kampionët.
Lexo gjithashtu
