Emerson Brito Dos Santos është sulmuesi i ri i Vllaznisë. Klubi shkodran ka zyrtarizuar afrimin e radhës teksa bën me dije që ish-futbollisti i Palmerias në Brazil do të kontribuojë në sezonin e ri për fanelën shkodrane.
Lojtari ka firmosur një kontratë që e lidh për një vit me Vllazninë me të drejtë huazimi edhe për një edicion tjetër. Në njoftimin e bërë për mediet nga klubi shkodran bëhej me dije:
"Vllaznia ben nje tjeter goditje ne merkato. Mesditen e sotme eshte firmosur kontrate me futbollistin brazilian Emerson Brito Dos Santos. Ai luan ne pozicionin e sulmuesit te mirefillte dhe gjate karrieres se tij ka luajtur me disa ekipe ne Brazil, mes te cileve edhe me klubin e njohur te Palmeirasit, nderkohe qe sezonin e kaluar ka luajtur ne Oman. Emerson ka firmosur nje kontrate njevjeçare me klubin tone, me te drejte rinovimi edhe per nje sezon tjeter. Me ardhjen e ketij lojtari, skuadra merr edhe me shume forme edhe ne repartin e sulmit, por drejtuesit e klubit jane duke punuar edhe per perforcime te tjera".
Vlera e kartonit të 28-vjeçarit sipas "Transfermarkt" është rreth 100 mijë euro.
Lexo gjithashtu
