Pavarësisht se ende nuk është mbyllur java e 6-të e Superiores, është zbuluar axhenda e sfidave pasardhëse. Java e 7-të e “Abissnet Superiore” do të luhet në 3 ditë, ndërsa këtë herë disa prej sfidave do të luhen me orar të ri.
Të dielën janë parashikuar të luhen 2 takime. Gjithashçka do të startojë me sfidën mes Egnatias dhe Teutës që do të luhet në “Egnatia Arena”, ora 14:00. Rrogozhinasit vijnë si kryesues dhe synojnë një tjetër 3 pikësh në shtëpi, ndërsa tashmë durrsakët me Edi Martinin në stol duan rikthimin te fitorja.
Sfida tjetër do të jetë mes Skënderbeut dhe Partizanit, përballje që do të zhvillohet në Korçë duke nisur që nga ora 16:00. Si korçarët ashtu edhe demat synojnë vetëm 3 pikët në përballjen mes tyre.
Ndërkohë të hënën do të luhen po dy takime të tjera. Në “Kukës Arena” do të përplasen Kukësi dhe Erzeni. Verilindorët në dy sfidat e fundit kanë siguruar 4 pikë dhe ndaj shijakasve në shtëpi dëshirojnë të vazhdojmnë me rezultatet pozitive, teksa djemtë e Alfred Deliallisit pas humbjes me Skënderbeun duan rikthimin te fitorja. Kjo përballe do të startojë në orën 14:00.
Në orën 18:00 në fushë do të zbresin Dinamo dhe Vllaznia. Në “Elbasan Arena” do të përplasin brirët për 3 pikët, pasi “Blutë” nga njëra ana duna largimin nga zona e ftohtë, ndërsa nga ana tjetër shkodranët synojnë të “blindojnë” një ven dnë “Final-Four”.
Sfida e fundit e javës së 7-të është parashikuar të luhet ditën e martë duke nisur që nga ora 14:00. Në “Selman Stërmasi” Tirana do të presaë Laçin.
Ndeshjet e javës së 7-të:
E dielë:
14:00/ Egnatia - Teuta
16:00/ Skënderbeu - Partizani
E hënë:
14:00/ Kukësi - Erzeni
18:00/ Dinamo - Vllaznia
E martë:
14:00/ Tirana - Laçi
Lexo gjithashtu
