Skënderbeu dhe Dinamo do të luajën mes tyre ndeshjen e prapmbetur të javës së 20-të të Superiores. Kjo përballje do të zhvillohet në stadiumin e Korçës ditën e nesërme në orën 17:00.
Një duel ku fitorja për të dyja skuadrat është mëse detyrim, pasi në lojë është “Final – Four”. Dinamovitët prej 4 ndeshjesh nuk e njohin humbjes, teksa kanë marrë 10 pikë nga 12 të mundshme. Dritan Mehmeti do të ketë mungesa përballë Ivan Gvozdenovic si dhe një rikthim të rëndësishëm.
Te “Blutë” do të rikthehet nga pezullimi Lorenco Vila. Ky i fundit në sfidën me Partizanin u ndëshkua me karton të kuq dhe në këtë mënyrë mungoi në duelin me Laçin. Luis Kaçorri do të jetë mungesa e madhe e Dinamos në këtë sfidë. Sulmuesi u ndëshkua me karton të verdhë në sfidën ndaj Laçit dhe në këtë mënyrë do të jetë i pezulluar.
Ndërkohë nga krahu tjetër korçarët vijnë pas dy fitoreve rresht dhe ndaj “Bluve” do të synojnë triumfin e 3-të. Dritan Mehmeti do të ketë mungesa përballë Ivan Gvozdenovic.
Si te Dinamo ashtu edhe te Skënderbeu në këtë takim do të ketë rikthime të rëndësishme. Ivan Gvozdenovic do të ketë 2 “armë” plus, pasi do të ketë të gatshëm Dean Liçon dhe Randi Dumfur, të cilët munguan për shkak kartonësh.
Lexo gjithashtu
