Visar Bekaj është padyshim një nga liderët e Tiranës dhe një prej lojtarëve më të mirë të ekipit. Portieri dardan është tashmë prej 3 sezonesh më i miri në Superiore duke mos patur asnjë rival. Tirana e sheh si “xhevahir” dhe në merkaton e verës pritet t’i “dhurojë” disa para arkave të klubit me shitjen e tij.
Mungesa e tij do të ishte një goditje për Tiranën por fatkeqsisht për bardheblutë, duhet të bëjnë pa atë në fushë në ndeshjen ndaj Teutës, të shtunën në orën 18:00 në Niko Dovana.
Gardiani u ndëshkua me karton të verdhë në përfundim të sfidës së sotme me Kastriotin dhe plotëson numrin e kartonave duek u pezulluar për këtë ndeshje. Mund të quhet ndoshta një lajm i mirë në njëfarë mënyre për bardheblutë me Bekajn që “pastron” kështu kartonat dhe shkon i qetë në derbi.
Megjithatë, mos-prezenca e tij në një ndeshje të vështirë si ajo me Teutën mund të sjellë pasoja për Tiranën.
Lexo gjithashtu
