Pas 3 ndeshjeve ku Kukësi mori 7 pikë, verilindorët u ndalën nga Partizani, pasi u mposhtën 3-4 në “Arenën e Demave”. Një humbje që dhemb për skuadrën e Stavri Nicës që mban vendin e fundit në tabelën e klasifikimit.
Dueli i radhës do të jetë ndaj Laçit dhe ëhstë i vlefshëm për javën e 9-të që mbyll kështu edhe fazën e parë të kampionatit. Një përballje ku Nica padiksutim kërkon vetëm 3 pikët, së pari e njeh me “themel” kundërshtarin dhe së dyti dëshiron t’i largohet vendit të fundit.
Për të arritur te fitorja, trajneri nuk ka “kursyer” aspak lojtarët. Stërvitje intensive në prag të këtij takimi në mënyrë që të gjithë lojtarët t ëjapin maksimumin e tyre për të qenë në 11-tëshen titullare. Ndërkohë për këtë duel Nica do të ketë edhe rikthimin e dy lojtarëve mjaft të rëndësishëm. Atdhe Rashiti dhe Momoh munguan ndaj Partizanit dhe tashmë janë të gatshëm për ndeshjen me kurbinasit.
Në këtë mënyrë 69-vjeçari do t ëketë të gatshëm të gjithë lojtarët dhe ka “luksin” e zgjedhjeve ndaj ish-skuadrës së tij. Kujtojmë se kjo përballje do të luhet ditën e dielë në “Kukës Arena” duke nisur që nga ora 14:00.
Lexo gjithashtu
