Dinamo ka mposhtur Kukësin mes spektaklit të 5 golave, në ndeshjen e vlefshme për javën e 21-të të “Abissnet Superiore”. Sfida e zhvilluar në stadiumin “Niko Dovana” përfundoi me fitoren 3-2 të dinamovitëve. Pas kësaj sfide, për mikrofonat e MCN TV ka folur zv.trajneri i Kukësit, Oltion Kërnaja.
Pse Nica u largua nga dhomat e zhveshjes, çfarë ju tha?
“Nica nuk tha asgjë, thjeshtë të gjithë ishin me kokën ulur. Profesori u vuan shumë këto ndeshje. Thjeshtë iku në shtëpi. 11 javë pa fitore? Janë shumë. Pavarësisht ndeshjeve të mira, në fund kanë rëndësi pikët që për ne nuk po vijnë”, u shpreh fillimisht Kërnaja.
Ardhjet e reja duheshin me doemos titullarë?
“Nuk janë futur direkt në formacion. Por disa lojtarë kanë patur probleme të ndryshme. Vetëm sulmuesi i qendrës ka hyrë rishtazi në formacion pasi ai na mungonte."
Mendoni se keni lënë difiçite në emra përsa i përket mbrojtjes?
“Tregu nuk është se jepte shumë për qendrën e mbrojtjes. Kemi marrë Zenunin që po përshtatet mirë me ekipin. Si Zogo si Tafas kanë luajtur mirë gjithë sezonin, pavarësisht gabimeve të sotme.”
Lexo gjithashtu
