Rikthimi i Xhuliano Skukës tek Partizani ishte një nga lëvizjet më të bujshme të kësaj merkatoje dimërore. Skuka erdhi në formë huazimi nga Metz, skuadër tek e cila u shit 1 vit më parë.
Teksa është vetë sulmuesi dibran që ka folur për herë të parë që prej rikthimit si “Dem” për "Partizani Channel". Skuka shprehet besimplotë tek ekipi, teksa nuk harron tifozët e kuq duke e quajtur veten pjesë të tyren. Gjithashtu 24-vjeçari tregon dhe rivalët e Partizanit për titull.
-Sërish pjesë e Partizanit, si e keni pritur këtë rikthim?
“Shpresoj të jetë mirë për mua dhe ekipin. Kam ardhur që të jap maksimumin dhe besoj se do ia arrijmë t’ia dalim.”
-Ju e njihni mirë ambientin dhe Partizanin. Mendoni se do të përsëritet suksesi i sezonit të kaluar, duke fituar sërish titullin kampion?
“Unë kam shumë besim tek ky ekip, kam ndjekur ndeshjet e fundit dhe mendoj se cilësia nuk mungon. Grupi është dhe mendoj se me pak fat do ia arrijmë t'ia dalim.”
Rivalët e partizanit?
"Rivalët e partizanit duke parë kampionatin që është shumë i fortë. Është Dinamo që po rikthehet shumë fort, Vllaznia po ashtu, Egnatia është një ekip i mirë, por dhe Tirana. Do të ketë një luftë të ashpër.”
-Rikthimi është mirëpirtur nga tifozeria e kuqe.
“Kam marrë pafund mesazhe. Besoj se do më shërbejë për mirë. Është e vetmja gjë për moralin që ndikon, tek dy ekipet ku kam qenë më ka munguar të them të drejtën. Besoj se do arrijmë t’ia dalim për objektivat, është ajo ç’ka i beson më shumë. Dua t’iu them tifozëve dua tju shoh sa më shumë në çdo ndeshje. Mos harroni unë jam njëri prej jush.”
Lexo gjithashtu
